Lajme
FUSHATA INFORMATIVE PËR PROGRAMIN IPARD

Nga data 20 shkurt 2025, në bashkëpunim ndërmjet Ministrisë së Bujqësisë, Pylltarisë dhe Menaxhimit të Ujërave, Autoritetit të Menaxhimit IPARD, Agjencisë për Mbështetjen Financiare në Bujqësi dhe Zhvillim Rural dhe Agjencisë për Nxitjen e Zhvillimit të Bujqësisë, do të zhvillohet një fushatë për informimin e përfituesve të mundshëm për mundësitë e ofruara nga Instrumenti i Bashkimit Evropian për Programin e Zhvillimit Paraprak – RARDAc.
Sot u mbajt i pari nga seria e takimeve informative për fermerët e rajonit të Pellagonisë, ku të pranishmit u prezantuan me procedurat dhe kushtet për aplikimin për shfrytëzimin e fondeve në përputhje me thirrjen e fundit të publikuar nga Programi IPARD 2021-2027 (IPARD 3) për masën 1 – Investimet në asetet fikse të ekonomive bujqësore.
Nisur nga rëndësia e masës, në kuadër të këtij takimi u zhvillua një diskutim, ku përfituesit e interesuar u informuan më në detaje për kriteret e aplikimit, llojet e investimeve që janë të pranueshme, pra cilat janë kostot e pranueshme, mundësitë për financim paraprak etj.


