Активности

Фармерите отсега имаат можност да се регистрираат за директна продажба на производи од животинско потекло произведени во сопствената фарма

Со мали адаптации и исполнување на минимални критериуми, фармерите ќе бидат во можност да се регистрираат за продажба на своите производи од животинско потекло директно од прагот на својата фарма.

Претставници на АПРЗ и АХВ со заедничка соработка имаа средба со фармерите од виничко и малешевијата на кој им беше презентиран новиот Правилник кој го уредува начинот на директна продажба од фарма на мали количини примарни производи од животинско потекло. Ќе можат да се произведат и стават во промет следните производи од животинско потекло:

  • сурово млеко и производи од млеко,
  • месо добиено при колење на животни,
  • месо од дивеч,
  • производи од месо,
  • мед,
  • конзумни јајца и
  • конзумна риба.

За таа цел АХВ во соработка со АПРЗ и други стручни лица изготви Правилник за барањата за условите и хигиена за производство и ставање во промет на храната од животинско потекло наменета за директно снабдување, локализирана активност, во геогравски или економски ограничувања, како и општите и посебните барања за примена на традиционални методи на производство, преработка и дистрибуција на храна со традиционални карактеристики, кој стапи на сила од 1-ви септември оваа година и е објавен во Службен весник бр. 144/19.

Правилникот пред се ги пропишува начинот на исполнување на основните минимални барања за хигиена на храната, како и условите за директно снабдување од страна на производителот до крајните потрошувачи или до локалните малопродажни трговци.

Исто така се пропишуваат и условите како треба да бидат уредени просториите, материјалите, инструментите и опремата во објектите за производство.

За исполнување на овие минимални услови за адаптација на објектите, начинот на регистрација и другите потребни услови, фармерите ќе бидат информирани и едуцирани од советниците на АПРЗ директно на терен, а ќе имаат поддршка и од инспекторите на АХВ со цел да се регистрираат.

Во рамките на презентацијата на Правилникот пред фармерите во Виница и во Берово, беше направена и посета на една фарма во виничко, како и на фарма село Будинарци каде во домашни услови се произведува сирење. На лице место присутните можеа да видат како со мали приспособувања за исполнување на минималните хигиенски и просторни барања, фармерот може да се регистрира и да го продава својот производ директно од фармата.

За полесно остварување на оваа можност ќе биде изработен промотивен и едукативен материјал во вид на флаер кој што фармерите ќе го добиваат при посетата од страна на советниците од АПРЗ.

Правилникот можете да го превземете тука.

Напишете коментар

Вашата адреса за е-пошта нема да биде објавена. Задолжителните полиња се означени со *